Report.az
Gürcüstanın paytaxtı Tbilisidə keçirilən cüdo üzrə Avropa çempionatının açılış mərasimi baş tutub.
"Report"un yarışa ezam olunmuş əməkdaşı xəbər verir ki, tədbir qısa bədii proqramla, o cümlədən gürcü milli rəqsləri ilə başlayıb.
Mərasimdə Avropa Cüdo Birliyinin prezidenti Laslo Tot, Gürcüstan Cüdo Federasiyasının prezidenti Levan Nozadze çıxış ediblər.
Aprelin 16-da start götürən Avropa çempionatında 46 ölkədən 400 idmançı mübarizə aparır.
Azərbaycan yarışda 15 cüdoçu ilə təmsil olunur. Ötən gün mübarizəyə qoşulan 7 cüdoçumuzdan ikisi – Əhməd Yusifov (60 kq) və Turan Bayramov (66 kq) bürünc medal qazanıb.
Bu gün mübarizəyə qoşulan olimpiya çempionu Hidayət Heydərov (73 kq) finala yüksəlib.
Turnir aprelin 19-da başa çatacaq.
