Report.az
"Neftçi" üçün avrokuboklara düşmək asan olmayıb.
"Report" xəbər verir ki, bunu "Neftçi"nin baş məşqçisi Yuri Vernidub Misli Premyer Liqasının XXXIII turunda "Sabah" üzərində 2:1 hesablı qələbədən sonra mətbuat konfransında deyib.
Mütəxəssis UEFA Konfrans Liqasına vəsiqə qazanmaları barədə danışıb:
"Bura gələndə qarşıma "Neftçi"nin avrokuboklara vəsiqə qazanması vəzifəsi qoyulmuşdu. Bilirdim ki, dördüncü pillədən çox uzaqdayıq. Gəldiyim ərəfədə Premyer Liqada qış fasiləsi yarandı. Elə oldu ki, toplanışa yollandıq və komandanın hər bir üzvü ilə fərdi tanış olmaq imkanı əldə etdim. Onlarla söhbətlər apardım. Lakin çətin olacağını bilirdim. Üzərimizdə çox çalışmalı idik. Çox çalışdıqda Allah səni əziyyətinə görə mükafatlandırır. Bu gün çoz xoşbəxtəm. Biz "Neftçi"yik, bizə qələbə yaraşır".
