Report.az
Türkiyəli tanınmış futbol mütəxəssisi Nihat Kahveci Misli Premyer Liqasının XXX turunda "Karvan-Yevlax"ın qapısına yol tapan "Neftçi"nin futbolçusu Freddi Varqasın qolunu şərh edib.
"Report" xəbər verir ki, bu barədə Türkiyə yığmasının sabiq hücumçusu "Haber Global"da yayımlanan "Kontraspor" verlişində danışıb.
O, Varqasın 57-ci dəqiqədə vurduğu qolu olduqca keyfiyyətli və baxımlı adlandırıb.
Qeyd edək ki, "Karvan-Yevlax" - "Neftçi" matçı qonaqların 3:0 hesablı qələbəsi ilə bitib. Varqasın qolunun videosu klubun sosial media hesabında 25 milyondan çox izlənib.
Nihat Kahveci "Neftçi"nin futbolçusu Freddi Varqasın qolunu keyfiyyətli və baxımlı adlandırıb
