Report.az
Fransanın "Marsel" klubu yeni baş məşqçi axtarışlarına başlayıb.
"Report" xəbər verir ki, bu barədə "L'Equipe" nəşri məlumat yayıb.
Bildirilib ki, hazırkı baş məşqçi Habib Beyenin qarşısında iki vəzifə qoyulub - komandanı UEFA Çempionlar Liqasına çıxarmaq və Fransa Kubokunda finala yüksəlmək. Amma 48 yaşlı seneqallı mütəxəssis hər iki tapşırığın öhdəsindən gələ bilməyib.
Habib Beye "Marsel"də 2026-cı ilin fevralından işləyir. Onun müqaviləsinin müddəti 2027-ci il iyunun 30-dək nəzərdə tutulub. Baş məşqçi postuna namizədlərin qısa siyahısına Bryuno Jenezyo ("Lill"), Kristof Qaltye ("Neom") və Adi Hyutter (2025-ci ilin payızında "Monako"nu tərk edib) daxil edilib.
Qeyd edək ki, "Marsel" 33 oyundan sonra 56 xalla Fransa çempionatının turnir cədvəlində altıncı yerdə qərarlaşıb.
