Report.az
Fransanın "Lion" komandası maliyyə vəziyyətini düzəltmək məqsədilə iyunun sonuna qədər 20 milyon avro dəyərində oyunçu satmalıdır.
"Report" "L'Equipe"ə istinadən xəbər verir ki, digər klubların maraq dairəsində olan Nikolas Talyafiko, Eynsli Meytlend-Nayls, Orel Manqalya, Malik Fofana, Afonsu Moreyra, Abner Vinisius, Pavel Şults, Tanner Tessmann və Ruben Klyuvert komandadan ayrıla bilərlər.
Bu futbolçulardan bəzilərinin gedişi əməkhaqqı fondunu azaltmağa və yeni transferləri maliyyələşdirməyə imkan verəcək.
Ötən yay "Lion"un maliyyə problemləri səbəbindən II Liqaya göndərilməsi barədə qərar çıxarılsa da sonradan klub apellyasiya şikayəti verərək elitada yerini qorumağı bacarıb.
Qeyd edək ki, 2025/2026 mövsümündə 60 xal toplayan "Lion" çempionatı dördüncü pillədə başa vuraraq UEFA Avropa Liqasına vəsiqə qazanıb.
