Report.az
"Barselona"nın və İspaniya millisinin vingeri Lamin Yamal dizaltı vətər zədəsindən sonra bərpa prosesi keçdiyi üçün DÇ-2026-nın startını qaçıracaq.
"Report" "The Athletic"ə istinadən xəbər verir ki, gənc futbolçu qrup mərhələsinin iyunun 15-də Kabo-Verdeyə qarşı keçiriləcək ilk oyununda komandasına kömək edə bilməyəcək.
İspaniyalı oyunçunun qrupun iyunun 21-nə təyin olunan Səudiyyə Ərəbistanı ilə ikinci matçında iştirakı da sual altındadır.
Qeyd edək ki, mundial iyunun 11-dən iyulun 19-dək ABŞ, Meksika və Kanadada təşkil olunacaq. İspaniya yığması qrup mərhələsində Kabo-Verde, Səudiyyə Ərəbistanı və Uruqvay komandaları ilə qarşılaşacaq.
