Report.az
İspaniya təmsilçisi "Real" rəhbərliyi komandanın futbolçusu Federiko Valverde ilə bağlı intizam tədbirləri görməyi nəzərdən keçirir.
"Report" yerli "Sport.Es" nəşrinə istinadən xəbər verir ki, futbolçunun məşqdən sonra komanda yoldaşı Orelyen Çuameni ilə mübahisə etməsi klub daxilində narazılığa səbəb olub.
İnsidentdən sonra hər iki futbolçu 500 min avro cərimələnib.
Məlumata əsasən, "Kral klubu"nun rəhbərliyi Valverdenin kapitanlıq sarğısından məhrum edilməsi variantını da müzakirə edir. Klub daxilində onun davranışlarının kapitanlıq statusuna uyğun olmadığı barədə fikirlər səsləndirilir.
Eyni zamanda, bəzi iddialara görə, Madrid təmsilçisi futbolçunun gələcəkdə satılmasını da istisna etmir. 27 yaşlı uruqvaylı yarımmüdafiəçinin bazar dəyərinin təxminən 120 milyon avro olduğu bildirilir.
