Idman.biz
Azərbaycan millisinin karateçisi İrina Zaretskanın (68 kq) Çinin Çenqdu şəhərində keçiriləcək Dünya Oyunlarındakı bütün rəqibləri müəyyənləşib.
İdman.biz xəbər verir ki, karatedə hər çəki kateqoriyasında səkkiz idmançı mübarizə aparacaq.
Dünya Oyunları üçün ilk vəsiqələr karateçilərə 2023-cü ildə Budapeştdə keçirilən dünya çempionatında verilib və Zaretska həmin yarışda ardıcıl üçüncü dəfə çempion titulunu qazanıb. Onun finaldakı rəqibi Yelena Quiriçi (İsveçrə) və dünya çempionatının bürünc mükafatçısı Seiko Zefanya (İndoneziya) da Çində çıxış edəcəklər.
Qalan iştirakçılar reytinq əsasında müəyyən edilib. Bunlar Eda Eltemur (Türkiyə), Hadir Hendi (Misir), Kama Tsubasa (Yaponiya), Giaogiao Li (Çin) və Thalia Sombedir (Fransa).
Qeyd edək ki, Dünya Oyunları avqustun 7-17-də keçiriləcək
İdman.biz
