Idman.biz
Bakıdakı Dənizkənarı Milli Parkda, Yeddi Gözəl fəvvarəsinin yaxınlığında UFC azarkeşləri üçün açıq məşq keçirilir.
İdman.Biz bildirir ki, tədbir "UFC Fight Night: Fiziev vs Torres" turniri ərəfəsində baş tutur.
Açıq məşqdə "UFC Fight Night Baku" turnirinin əsas döyüşünün iştirakçıları – azərbaycanlı Rafael Fiziyev və meksikalı Manuel Torres, həmçinin gecənin ikinci əsas qarşılaşmasının iştirakçısı Şarabutdin "Shara Bullet" Maqomedov, eləcə də yerli döyüşçülər Nazim Sadıxov və Fərman Həsənov iştirak edirlər.
Qeyd edək ki, "UFC Fight Night: Fiziev vs Torres" turniri iyunun 27-də Bakıdakı Milli Gimnastika Arenasında keçiriləcək. Turnirin biletləri iticket.az saytında satışdadır.
