Qol.az
AFFA-nın təşkilatçılığı ilə Təhsil və Reabilitasiya Mərkəzində UEFA-nın Pro kateqoriyalı məşqçi kursunun I mərhələsi keçirilib.
QOL.az xəbər verir ki, AFFA-nın təhsil şöbəsinin rəhbəri Aslan Kərimov tərəfindən baş tutan modulda ona təlimatçı Osman Rəhimov köməklik edib.
Tanışlıq xarakteri daşıyan I mərhələdə kurs haqqında ümumi məlumat verilib, iştirakçıları nələrin gözlədiyi, hansı modulların olacağı və onların kurs ərzində vəzifələri barədə danışılıb.
Qeyd edək ki, kurslara qatılanlar arasında "Sumqayıt"ın baş məşqçisi Vaqif Cavadov, Azərbaycanın U-17 millisinin baş məşqçisi Aqil Nağıyev,, "Şamaxı"nın məşqçisi Elnur Çodarov, veteran futbolçu Rəşad Abdullayev, "Qarabağ"ın bolqar məşqçisi Çudomir Çakarov də var.
