Sport24.az
Bir neçə gün öncə Mehdi Hüseynzadə adına Sumqayıt şəhər stadionunun direktoru Nadir Quliyevin postundan getdiyini xəbər vermişdik. Sport24.az-ın əldə etdiyi məlumata görə, onun boş qoyduğu kresloya artıq yeni namizəd var.
Redaksiyamıza çatan bilgiyə əsasən, Quliyevi başqa bir sumqayıtlı, ölkənin idman ictimaiyyətinə yaxından tanış olan Şahin İmranov əvəzləyəcək. Qarşıdakı günlərdə İmranov "Mehdi Hüseynzadə"nin yeni direktoru kimi ictimaiyyətə təqdim olunacaq.
Qeyd edək ki, Şahin bəy 2008-ci ildə Çində keçirilən XXIX-cu Yay Olimpiya Oyunlarının bürünc mükafatçısıdı. O, həmçinin 2002 və 2006-cı illərdə təşkil olunan Avropa Çempionatlarının gümüş medallarına sahib olub.
