İdman.biz
Paris-2024 Olimpiadasında triatlon məşqləri növbəti dəfə təxirə salınıb.
İdman.biz xəbər verir ki, buna səbəb Sena çayında suyun keyfiyyətinin aşağı düşməsidir.
Müntəzəm yağan yağışlardan sonra suyun tərkibində bakteriyaların sayı çoxalıb. Nəticədə təşkilatçılar bu gün səhər saatlarında planlaşdırılan məşqi təxirə salıblar. Verilən məlumatda hava temperaturunun yüksəlməsi nəticəsində suyun əvvəlki səviyyəyə yüksələcəyi bildirilib.
Ötən həftə də eyni səbəbdən triatlonçuların məşqi başqa vaxta keçirilmişdi. Hətta keçirilən yarışlardan sonra bəzi idmançıların zəhərlənməsi ilə bağlı şayiələr dolaşsa da, bu, rəsmi təsdiqini tapmayıb.
Qeyd edək ki, Azərbaycan triatlonçusu Rostislav Pevtsov olimpiadada çıxışını başa vurub. O, fərdi yarışlarda 43-cü olub.
İdman.biz
