Qol.az
Braziliya "Santos"u ölkə çempionatının 4-cü turunun "Atletiko Mineyro" ilə oyununda (2:0) zədələnən hücumçusu Neymarın səhhəti ilə bağlı məlumat paylaşıb.
QOL.az xəbər verir ki, klub meydanı göz yaşları içində tərk edən 33 yaşlı futbolçu ilə bağlı bunları bildirib:
"Neymar zədədən sağaldıqdan və əzələ kütləsi toplamaq üçün məşqlərdən sonra meydançaya qayıtdı və "Atletiko Mineiro" görüşün ilk yarısında sol budunda yenə narahatlıq hiss etdi. Futbolçunun müayinəsi nəticəsində yeni zədə bu dəfə yarımmembran əzələdə üzə çıxdı. Neymarın müalicəsinə başlanılacaq və o, yeni zədələrdən qaçmaq üçün əzələləri gücləndirmək üzərində işləyəcək".
Qeyd edək ki, Neymar bu ilin yanvarında "Santos"a keçib.
