Idman.biz
İstedadlı rusiyalı fiqurlu konkisürən Veronika Jilina Azərbaycana səfər edib.
İdman.biz xəbər verir ki, o, Yana Rudkovskaya ilə birlikdə Bakıya məşhur iş adamı Emin Ağalarovun dəvəti ilə gəlib.
Ağalarov sosial şəbəkələrdə prodüser Yana Rudkovskaya ilə Sea Breeze layihəsində möhtəşəm buz arenası tikəcəklərini açıqlayıb. Arenanın portativ struktur olacağı bildirilib. Gələcəkdə arenada ikiqat Olimpiya çempionu Yevgeniy Plyuşenkonun "Plyuşenkonun Mələkləri" buz şousunun keçiriləcəyi gözlənilir.
Əlavə edək ki, Veronika Azərbaycana dəvətə görə Emin Ağalarova təşəkkür edib.
Qeyd edək ki, Jilina növbəti mövsümdən Azərbaycan millisində çıxış edəcəyi xəvərləri yayılıb. Lakin bu gün Rusiya Fiqurlu Konkisürmə Federasiyasının rəhbəri Anton Sixarulidze qurumun icraiyyə komitəsinin iclasından sonra Jilinanın Azərbaycan yığmasına keçidinin təsdiqlənməyəcəyini bildirib.
İdman.biz
