Lent.az
Təxminən 2500 britaniyalı azarkeş arasında keçirilən sorğuda planetin ən seksual futbolçusu seçilib.
Lent.az xarici KİV-ə istinadla bildirir ki, ingilislər "Çelsi"nin yarımmüdafiəçisi Koul Palmeri birinci yerə qoyub.
Maraqlıdır ki, çoxsaylı reytinqlərin və rekordların lideri portuqaliyalı Kriştianu Ronaldo dünyanın ən seksual futbolçularının ilk üçlüyünə, hətta ilk 5-liyinə düşə bilməyib.
Məlumata görə, sorğu zamanı futbolçunun bədən quruluşu, xarizması və şəxsi üslubu kimi amillər nəzərə alınıb.
Bu bölgüyə əsasən, "aristokratlar"ın 22 yaşlı yarımmüdafiəçisi Koul Palmer səslərin 19 faizini toplayıb və sorğuda birinci yerdə qərarlaşıb.
Sonra gələnlər:
2. Cud Bellinqem ("Real") – 17 faiz.
3. Cek Qriliş ("Mançester Siti") – 15 faiz.
4. Deklan Rays ("Arsenal") – 12 faiz.
5. Trent Aleksander-Arnold ("Liverpul") – 10 faiz.
6. Bukayo Saka ("Arsenal") – 8 faiz.
7. Markus Reşford ("Mançester Yunayted") – 7 faiz.
8. Kriştiano Ronaldo ("Əl-Nəsr") – 6 faiz.
9. Erlinq Haaland ("Mançester Siti") – 4 faiz.
10. Kilian Mbappe ("Real") – 2 faiz.
Bu yaxınlarda 40 yaşını qeyd edən Kriştianu Ronaldo həmkarlarının uğurlarından o qədər də üzülmür və özünü dünya futbol tarixinin ən yaxşı oyunçusu adlandırır.
