Lent.az
Xavyer Dorado uzun müddətdir ki, mürəkkəb xəstəliklə mübarizə aparırdı.
2000-ci ildə "Kral klubu" ilə Çempionlar Liqasının qalibi olmuş "Real"ın keçmiş futbolçusu Xavyer Dorado 49 yaşında vəfat edib.
Lent.az xarici KİV-ə istinadla bildirir ki, faciəli xəbəri Madrid klubunun mətbuat xidməti yayıb.
Məlumata görə, ölüm səbəbi keçmiş futbolçunun uzun müddətdir mübarizə apardığı mürəkkəb xəstəlik olub.
Dorado "Real"ın yetirməsidir və 1999-cu ildə Madridin əsas komandasında debüt edib, lakin cəmi səkkiz oyun keçirib.
Xavyer sol cinah müdafiəçisi kimi çıxış edib. O, 1999/2000 mövsümündə Çempionlar Liqasını qazanan Visente del Boskenin komandasının heyətində olub.
Dorado "Rayo Valyekano", "Sportinq Xixon" və "Malyorka"da da çıxış edib. 2012-ci ildə karyerasını başa vurub.
