Qol.az
"Barselona"nın əsas heyət üzvlərindən biri Rafinya Dias yayda klubdan ayrıla bilər.
QOL.az xəbər verir ki, bu barədə İspaniya mətbuatı məlumat yayıb.
28 yaşlı forvard İngiltərə klublarından birinə keçə bilər. Onunla Premyer Liqanın üç klubu maraqlanır - "Mançester Siti", "Liverpul" və "Arsenal".
Qeyd olunur ki, futbolçunun ətrafı artıq yay transfer pəncərəsi üçün Rafinya ilə maraqlanan klubları məlumatlandırıb. Öz növbəsində "Barselona" futbolçusu üçün təxminən 80 milyon avro tələb edəcək.
Futbolçunun "Barselona" ilə hazırkı əmək müqaviləsi 30 iyun 2027-ci ilə qədərdir.
Bu mövsüm Rafinya "Barselona"nın heyətində 48 oyun keçirib, 30 qol vurub və 23 məhsuldar ötürmə edib.
