Sport24.az
UFC-nin yüngül çəkidə azərbaycanlı döyüşçüsü Rafael Fiziyev amerikalı Castin Getji ilə görüşdə avstraliyalı Den Hukeri əvəzləməyə hazır olduğunu açıqlayıb. Sport24.az xəbər verir ki, bu döyüş ABŞ-nin Las-Veqas şəhərində UFC 313 turniri çərçivəsində keçirilməli idi.
Amma bir müddət əvvəl Hukerin döyüşdən imtina etdiyi barədə xəbərlər yayılmışdı.
Fiziyev sosial şəbəkədə istəyini belə ifadə edib: "Gəl təkrarlayaq, Castin".
Qeyd edək ki, Getji və Fiziyev artıq döyüşüblər. Onların görüşü 2023-cü ilin martında UFC 286 turnirində baş tutub və üç raunddan sonra yekdil qərarla amerikalının qələbəsi ilə başa çatıb. Bu, Fiziyevin dünyanın ən nüfuzlu təşkilatında üçüncü məğlubiyyəti olub.
