İdman.biz
Gənclər və İdman Nazirliyi və Azərbaycan Kanoe və Avarçəkmə Federasiyasının birgə təşkilatçılığı ilə keçirilən "Mingəçevir Reqatası-2024" beynəlxalq reqatsında ilk günün yarışları davam edir.
İdman.biz xəbər verir ki, "Kür" Olimpiya Tədris-İdman Mərkəzində baş tutan reqatanın ilk günündə komandamız dörd medal qazanıb.
Cavid Vəlizadə 1 nəfərlik kanoe qayığında 2008-2009-cu il təvəllüdlü idmançıların 1000 m məsafədə mübarizəsində üçüncü yer tutub.
Daha öncə Amil Ramazanov finiş xəttinə hamıdan tez çatıb. O, 2006-2007 təvəllüdlü idmançıların 500 m məsafəyə kayak üzrə mübarizəsində birinci olub.
Bu növdə eyni məsafəyə 2008-2009 təvəllüdlü idmançılardan Əlimurad Hacızadə gümüş, 2008-2009 təvəllüdlülərdən Niyaz Məlikov - Elvin Əliyev cütlüyü bürünc mükafat əldə edib.
Qeyd edək ki, "Mingəçevir reqatası-2024" beynəlxalq turniri oktyabrın 18-də başa çatacaq.
Aytac Sahəd
İdman.biz
