İdman.biz
"Təəssüf ki, finalda istədiyim kimi alınmadı".
İdman.biz xəbər verir ki, bunu Paris-2024 Olimpiadasında gümüş medal qazanan Azərbaycan taekvondoçusu Qaşım Maqomedov deyib.
O, zədənin finalda uğurlu çıxışa mane olduğunu bildirib: "Nə deyə bilərəm. Bütün döyüşlər əla keçdi. Ən yaxşı idman formamda idi. Amma qızıl medal qazanmağa zədə mane oldu. Çox çalışdım. Gümüş medalı ailəmə, xüsusilə həyat yoldaşıma həsr edirəm. Biz ikinci övlad gözləyirik. Məni dəstəkləyən Azərbaycan xalqına təşəkkür edirəm. Çox sağ olun".
Qeyd edək ki, Qaşim həlledici döyüşdə zədə üzündən Park Tae-Juna (Cənubi Koreya) uduzub.
İdman.biz
