İdman.biz
"Maşallah olsun ki, sizin sayınız çoxdur".
İdman.biz xəbər verir ki, bunu Paris-2024 Yay Olimpiya Oyunlarında gümüş medal qazanan Azərbaycan taekvondoçusu Qaşım Maqomedov (58 kq) sosial şəbəkə hesabında paylaşıb.
O, videopaylaşımında azarkeşlərinə dəstəyə görə minnətdarlığını bildirib: "Hər rəyinizi oxuyuram və görürəm. Fiziki olaraq hamıya cavab verə bilmirəm. Hamınıza təbriklərə və dəstəyə görə təşəkkür edirəm. İnşallah, yavaş-yavaş hər birinizə cavab yazacam. Kimə cavab yazmıramsa üzrlü saymağını və məni başa düşməyini istəyirəm".
Maqomedov çəkiliş zamanı əsalarını da göstərərək yeni "köməkçiləri" olduğunu vurğulayıb: "Dopinq testinə gəlmişəm. Hələ yatmamışam. Yeni dostlarım olan köməkçilərimlə tanış olun".
Qeyd edək ki, Qaşım Paris-2024-də çempionluq uğrunda cənubi koreyalı Park Tae-Junla qarşılaşıb. Taekvandoçu ilk raundda zədələnərək ikinci hissədə döyüşü davam etdirə bilməyib və Olimpiadanı gümüş medalla bitirib.
İdman.biz
