Sport24.az
Avqustun 22-də avarçəkmə üzrə açıq Bakı çempionatı keçiriləcək. Sport24.az xəbər verir ki, Bakı Şəhər Gənclər və İdman İdarəsi ilə Azərbaycan Kanoe və Avarçəkmə Federasiyasının birgə təşkilatçılığı ilə baş tutacaq tədbir Mərkəzi bulvarda Azərbaycan Kanoe və Avarçəkmə Federasiyasının binasının qarşısında təşkil olunacaq.
Turnirdə Bakı ilə yanaşı, Mingəçevirdən olan yeniyetmə və gənc idmançılar müxtəlif yaş kateqoriyalarında yarışacaq.
İdmançılar kayak və kanoe növlərində 200, 500 metr məsafədə bir və iki nəfərlik qayıqlarda, akademik növdə isə 500 metr məsafədə yalnız bir nəfərlik qayıqda mübarizə aparacaq. Saat 11-dən etibarən start götürəcək Bakı çempionatı bir gün davam edəcək.
