İdman.biz
Paris-2024 Yay Olimpiya Oyunlarında bədii gimnastika yarışları davam edir.
İdman.biz xəbər verir ki, fərdi çoxnövçülükdə çıxış edən 24 iştirakçı təsnifat mərhələsində ikinci hərəkəti başa vurub.
Azərbaycan gimnastı Zöhrə Ağamirova da çıxışını yarılayıb. Önun topla hərəkəti 30,200, halqa ilə çıxışı 32,500 xalla qiymətləndirilib.
Halqa ilə 12-ci, topla 20-ci yeri tutan gimnastımız ilk iki hərəkətdən sonra 62,700 xala malikdir. O, 16-cı yerdə qərarlaşıb.
Qeyd edək ki, dörd hərəkətin yekununda ilk 10 yeri tutan gimnast sabahkı finala vəsiqə qazanacaq.
İdman.biz
