İdman.biz
Paris-2024 Yay Olimpiya Oyunları davam edir.
İdman.biz xəbər verir ki, bu gün atletika yarışlarında növbəti medal dəstlərinin sahibləri bəlli olacaq.
İdmanın "şahzadəsi"ndəki yeganə Azərbaycan təmsilçisi Anna Skidan da mükafatlar uğrunda mübarizə aparır.
Təsnifat mərhələsində 72,55 m nəticə ilə 6-cı olan çəkicatanımız həlledici raundda qüvvəsini sınayır. 12 atletin qatıldığı final mərhələsində ən yaxşı göstəricisi 73,27 m olan Skidan "səkkizliy"yə yüksəlib. O, bu mərhələni 6-cı yerdə bitirib.
Anna medal uğrunda mübarizədə daha 3 atış edəcək.
Qeyd edək ki, özünün üçüncü Olimpiadasına qatılan Skidan Rio-2016 və Tokio-2020-də final mərhələsinə adlaya bilməyib.
İdman.biz
