İdman.biz
Hindistanlı qadın güləşçi Vineş Phoqat bu gün keçiriləcək final görüşündən kənarlaşdırılıb.
İdman.biz xəbər verir ki, 50 kq çəki dərəcəsində yarışan idmançı çəki probleminə görə diskvalifikasiya olunub.
Dünən keçirilən ilk görüşlərdən sonra Vineş bütün rəqiblərinə qalib gəlib. Ümumdünya Güləş Birliyinin qaydalarına görə, güləşçilərin hər gün çəkiləri yoxlanılır və fərq yaranan idmançılar diskvalifikasiyaya məruz qalırlar. Hindistanlı Phoqat çəkisini azalda bilmədiyi üçün Olimpiya Oyunlarından kənarlaşıdırılıb. Finala onun əvəzinə yarımfinalda məğlub etdiyi Quzman Lopes (Kuba) vəsiqə qazanıb.
Qeyd edək ki, Mariya Stadnik 50 kq çəki dərəcəsində 1/4 finalda mübarizəni dayandırıb.
İdman.biz
