Paris-2024-ə doğru: Tarix yazacaq ulduzlar

Paris-2024 Yay Olimpiya Oyunlarının açılışına cəmi 11 gün qalıb.

İdman.biz xəbər verir ki, Fransa paytaxtındakı yarış bəzi tarixi hadisələrlə zəngin olacaq.

Parisə rekord üçün yollanan ulduzlar adlarını Olimpiadalar tarixinə yazdırmağa çalışacaq. Onlardan bəzilərini təqdim edirik.

NBA-nın ulduzu Kevin Dyurant artıq üçqat olimpiya çempionudur. Əgər ABŞ millisi Parisdə də qalib olsa, Kevin komanda idman növlərində 4 qızıl qazanan ilk olimpiyaçı kimi tarixə düşəcək.

Amma onun rekordu cəmi bir gün qala bilər. Fransa həndbol millisi çempion olsa, Nikola Karabatiç də dördqat qalib adına sahib çıxacaq.

Cimmer Fredett Paris-2024-də 3X3 yarışlarında iştirak edəcək. O, meydana çıxmaqla ilkə imza atacaq. Basketbolçu vaxtilə NBA-da oynamış, sonradan 3x3 növündə Olimpiadaya qatılacaq ilk oyunçu kimi tarixə düşəcək.

Kelsi Plam və Ceki Yanq qadın basketbolçuların həm 5x5, həm 3x3 növündə olimpiya çempionu olacaq ilk oyunçular kimi düşmək imkanına malikdir.

Yeddiqat olimpiya çempionları İzabel Vert və Keyt Ledeki Olimpiadalar tarixinin ən titullu qadın idmançısı olmaq imkanına malikdir. Onlar 9 qızıla sahib Larisa Latıninaya ən azı çatmaq şansı qazanıb. Vert atçılıqda iki çempionluq əldə edə bilər. Ledeki isə Parisdə 4 növdə iştirak edəcək. Üç qızıl ona mütləq rekord gətirəcək.

Gürcüstanlı atıcı Nino Salukvadze isə 10-cu Olimpiadasına qatılacaq. O, qadın idmançılar arasında mütləq rekord vuracaq. Seul-1988-də debüt edən snayper həmin vaxtdan bütün olimpiadaların iştirakçısıdır.

İdman.biz