İdman.biz
Bu gün Paris-2024 Yay Olimpiya Oyunlarının açılış mərasimi keçiriləcək.
İdman.biz xəbər verir ki, Sena çayında baş tutacaq tədbir Bakı vaxtı ilə saat 22:00-da başlayacaq.
Düzdür, Olimpiadanın yarışları iki gün əvvəl start götürüb. Futbol və reqbi-7 növlərində komandalar mübarizəyə iyulun 24-də başlayıb. Dünən isə həndbol və kamandan oxatma yarışları keçirilib.
Açılış mərasiminin baş tutacağı gün heç bir yarış nəzərdə tutulmasa da, güllə atıcılığı üzrə bəzi növlərdə rəsmi məşq prosesi təşkil olunacaq. Azərbaycan təmsilçisi Ruslan Lunyovun mübarizə apardığı tapança ilə 10 m məsafədən atəşaçma yarışının iştirakçıları da hədəf önünə keçəcək. Lunyovla rəqiblərinin məşqi saat 12:00-da başlayacaq.
Bundan 10 saat sonra unikallığı ilə tarixə düşəcək açılış mərasimi təşkil olunacaq. Tarixdə ilk dəfə bu tədbir stadiondan kənarda – Sena çayında baş tutacaq.
Üstəlik, açıq havada açılışı izləmək biletsiz, sərbəst olacaq. Bu üzdən açılış mərasimi tarixə həm keçirilmə ərazisi, həm tamaşaçı sayı ilə ən böyükmiqyaslı kimi düşəcək.
Bundan başqa, idmançıların paradı qayıqlarda Sena çayında gerçəkləşəcək. Paris Botanika bağının yanındankı Austerlitsk körpüsündən başlayacaq parad şərqdən qərbə doğru 6 km məsafəni əhatə edəcək. Açılış mərasimində Azərbaycan bayrağını cüdoçu Gültac Məmmədəliyava və boksçu Məhəmməd Abdullayev dalğalandıracaq.
Avqustun 11-dək davam edəcək Olimpiadada 206 ölkədən olan 11 minə yaxın idmançı 32 idman növündə mübarizə aparacaq. Yarışda 329 dəst medalın sahibi müəyyənləşəcək.
Azərbaycan millisi Paris-2024-də 15 idman növünün 17 proqramı üzrə təmsil olunacaq. Yığmamız Fransa paytaxtına 48 idmançı ilə yollanmaqdarır. Onların bəziləri artıq Parisdədirsə, digərləri qarşıdakı günlərdə səfərə çıxacaq.
Badminton
Edi Reski Dviçayo (kişilər, fərdi)
Keişa Fatimə Zəhra (qadınlar, fərdi)
Bədii gimnastika
Zöhrə Ağamirova
Qrup hərəkətləri komandası (Ləman Əlimuradova, Kamilə Əliyeva, Yelizaveta Luzan, Güllü Ağalarzadə və Darya Sorokina)
Batut gimnastikası
Selcan Maqsudova
Sərbəst güləş
Əliabbas Rzazadə (57 kq)
Hacı Əliyev (65 kq)
Turan Bayramov (74 kq)
Osman Nurmaqomedov (86 kq)
Maqomedxan Maqomedov (97 kq)
Giorgi Meşvildişvili (125 kq)
Yunan-Roma güləşi
Murad Məmmədov (60 kq)
Həsrət Cəfərov (67 kq)
Sənan Süleymanov (77 kq)
Rafiq Hüseynov (87 kq)
Sabah Şəriəti (130 kq)
Qadın güləşi
Mariya Stadnik (50 kq)
Atletika
Anna Skidan, çəkicatma
Boks
Nicat Hüseynov (51 kq)
Malik Həsənov (63,5 kq)
Murad Allahverdiyev (80 kq)
Alfonso Dominqes (92 kq)
Məhəmməd Abdullayev (+92 kq)
Taekvondo
Qaşım Maqomedov (58 kq)
Atıcılıq
Ruslan Lunyov (10 m, pnevmatik tapança)
Basketbol
Qadın yığması, 3x3 növü
Avarçəkmə
Diana Dımçenko, (2000 m, akademik avarçəkmə)
Triatlon
Rostislav Pevtsov
Qılıncoynatma
Anna Başta, (sablya)
Kamandan oxatma
Yaylagül Ramazanova
Üzgüçülük
Məryəm Şeyxəlizadəxangah
Ramil Vəlizadə
Cüdo
Balabəy Ağayev (kişilər, 60 kq)
Yaşar Nəcəfov (kişilər, 66 kq)
Hidayət Heydərov (kişilər, 73 kq)
Zelim Tçkayev (kişilər, 81 kq)
Elcan Hacıyev (kişilər, 90 kq)
Zelim Kotsoyev (kişilər, 100 kq)
Uşanqi Kokauri (kişilər, +100 kq)
Leyla Əliyeva (qadınlar, 48 kq)
Gültac Məmmədəliyeva (qadınlar, 52 kq)
İdman.biz
