Idman.biz
Bu gün güllə atıcılığı üzrə Ölkə Birinciliyinə start verilib.
İdman.biz xəbər verir ki, Azərbaycan Atıcılıq Federasiyasının təşkilatçılığı ilə Bakı Atıcılıq Mərkəzində keçirilən yarışlarda müxtəlif yaş kateqoriyalarında çıxış edən idmançılar tapança və tüfəng növləri üzrə bacarıqlarını nümayiş etdirirlər.
Turnirin əsas məqsədi gənc atıcıların potensialını üzə çıxarmaq, onların beynəlxalq yarışlara hazırlıq səviyyəsini artırmaq və ölkədə güllə atıcılığına olan marağı genişləndirməkdir.
Aprelin 26-dək davam edəcək yarışın sonunda ən yüksək nəticə göstərən idmançılar Azərbaycan Atıcılıq Federasiyası tərəfindən diplom və medallarla təltif olunacaqlar.
İdman.biz
