Sport24.az
Azərbaycan atıcıları Dünya kubokunda iştirak edəcəklər. Sport24.az xəbər verir ki, yarış Almaniyanın Münhen şəhərində baş tutacaq.
Sabah start götürəcək yarış iyunun 8-dək davam edəcək. Kubokda ölkəmizi iki idmançı - Nigar Nəsirova və Ruslan Lunyov təmsil edəcəklər.
Qeyd edək ki, Almaniyadakı yarış Paris-2024 Yay Olimpiya Oyunlarına lisenziya əldə edə bilməyən idmançılar üçün reytinqi xalını qazanmaq üçün son turnirdir. İyunun 9-da açıqlanacaq dünya reytinqinə əsasən hər bir kateqoriyada sonuncu olimpiya lisenziyalarının sahibləri müəyyənləşəcək. Lunyov artıq lisenziya qazandığından Münhen sınağı Nəsirova üçün son şansdır.
