Report.az
Rauf Məmmədovun Azərbaycan çempionu olması gözlənilməz deyildi.
Bunu "Report"a açıqlamasında şahmat üzrə sonuncu Azərbaycan çempionatının iştirakçısı, eyni zamanda məşqçi-müəllim Nicat Məmmədov deyib.
O, kişilər arasında Azərbaycan çempionu olan Rauf Məmmədovun qələbəyə layiq olduğunu bildirib:
"Budəfəki çempionat fərqli formatda baş tutdu. Yarışda çox sayda şahmatçı iştirak etmək şansı qazanmışdı. Məğlub olan mübarizəni dayandırırdı. Bu qayda çempionata maraq qatmışdı. Duellərdə mütləq qalib olmalı idi. Rauf Məmmədovun qalib gəlməsi gözlənilməz olmadı. O, yetərincə təcrübəli və güclü qrossmeysterdir. Fikir verdinizsə, oyunun taleyi sırf klassik şahmatda həll olunmurdu. Bəzən rapid növünə keçid edilirdi. Rauf rapiddə Teymur Rəcəbov və Şəhriyar Məmmədyarovdan xeyli geri qalır. Bununla belə, onlara rapiddə qalib gəldi. Düzdür, burada bəxt amili də rol oynadı. Teymur Rəcəbov üstün olduğu qarşılaşmada bir gedişə "vəzir"i, Şəhriyar isə bir gedişə "top"u görmədi və məğlub oldular. Yeni formatın gözəlliyi də bunda idi. Adi səhvlər məğlubiyyətə gətirir".
Mütəxəssis qadınların mübarizəsinin gözlənilən nəticələrlə başa çatdığını söyləyib:
"Çempion olan Günay Məmmədzadə Azərbaycanda qadın şahmatının liderlərindən biridir. Qadınların yarışında gözlənilən nəticələr qeydə alındı. Sona qalan iştirakçılar milli üzvləri idi".
N.Məmmədov üçüncü yer uğrunda görüşdə iştirak etməyən Teymur Rəcəbov barədə də fikirlərini bölüşüb:
"Teymur Rəcəbovun üçüncü yer uğrunda oyuna çıxmaması səhhəti ilə bağlı idi. Problemin nə olduğunu yalnız özü bilirdi. Görüşə çıxmadığı üçün texniki məğlubiyyət aldı. Finala gedən yolda Rauf Məmmədova uduzmuşdu. Düşünürəm ki, bəzən məğlubiyyəti həzm etmək lazımdır".
Qeyd edək ki, kişilərin mübarizəsində Rauf Məmmədov finalda Şəhriyar Məmmədyarovu üstələyərək karyerasında 6-cı dəfə Azərbaycan çempionu olub. Üçüncü yeri Misrətdin İskəndərov tutub.
Qadınların yarışında Günay Məmmədzadə Gövhər Beydullayevanı məğlub edərək çempion tituluna yiyələnib. Üçüncü yer uğrunda görüşdə Gülnar Məmmədova Ülviyyə Fətəliyevaya qalib gəlib.
Sportnews.az — idman dünyasında baş verən əsas hadisələrə həsr olunmuş aparıcı idman portalıdır. Biz hər gün ən son xəbərləri, oyun nəticələrini, müsahibələri, analizləri və proqnozları təqdim edirik.
Saytımızda siz tapa bilərsiniz:
Futbol: yerli və beynəlxalq liqalar, xüsusi diqqət — "Qarabağ" FK
Tennis, şahmat, gimnastika, voleybol, basketbol
Döyüş növləri: boks, güləş, cüdo
Formula 1 və Olimpiya Oyunları
Eləcə də diqqətəlayiq digər idman növləri
Biz azərbaycanlı idmançıların uğurlarını izləyirik, mühüm turnirləri işıqlandırırıq, yığmaların hazırlığı və fərdi nailiyyətlər barədə məlumat veririk. Bütün materiallar faktlara, ekspert şərhlərinə və keyfiyyətli təqdimata əsaslanır.
Niyə məhz Sportnews.az:
Yalnız aktual və etibarlı xəbərlər
Azərbaycan və dünya idmanının tam əhatəsi
Rahat struktur, müntəzəm yenilənmələr, obyektiv baxış
Əsas idman xəbərlərindən xəbərdar olmaq üçün bizimlə qalın.
Sportnews.az — burada idman ucadan danışır.
