Report.az
Milli Hokkey Liqası (NHL) təmsilçisi "Pittsburq"un hücumçusu Maykl Bantinq avtomobil qəzasına düşüb.
"Report"un xarici KİV-ə istinadən məlumatına görə, bu barədə komandanın baş məşqçisi Mayk Sallivan bildirib.
Qəza komandanın ev oyunlarını keçirdiyi arenanın yaxınlığında baş verib. Hokkeyçinin durumu yaxşı olsa da, "Tampa Bey"lə (2:5) çempionat matçını buraxıb.
Qeyd edək ki, M.Bantinq bu mövsüm meydana çıxdığı 43 oyunda 25 xal toplayıb.
