Qol.az
"Bavariya"nın futbolçusu Camal Musiala öz durumu haqda danışıb.
QOL.az Almaniya mətbuatına istinadən xəbər verir ki, o deyib:
"Zədədən dərhal sonra — elə ilk gündən bərpa prosesinə başladım və hələlik hər şey plana uyğun gedir. Mənim böyük bir məqsədim var — klublararası dünya dempionatı. Çünki bu turnirdə prestij, klubun gəliri və yeni beynəlxalq titul uğrunda mübarizə gedir. Biz bu turnirdə qalib gəlmək istəyirik. Mən ABŞ-da yenidən meydana qayıtmaq istəyirəm".
Qeyd edək ki, Camal Musiala Almaniya çempionatının 28-ci turunda "Auqsburq"la oyunda (3:1) sol budun arxa hissəsində əzələ bağlarının qopması zədəsindən əziyyət çəkir. Daha əvvəl mediada yayılmış xəbərlər əsasən, yarımmüdafiəçi zədə səbəbi ilə təxminən altı həftə yaşıl meydanlara çıxa bilməyəcək.
Klublararası dünya çempionatı 15 iyun tarixində başlayacaq.
