İdman.biz
Azərbaycan yığmasının Millətlər Liqasındakı rəqibi Slovakiya AVRO-2024-ə qələbə ilə start verib.
İdman.biz xəbər verir ki, komandanın Belçika üzərində 1:0 hesablı qələbəsi sensasiya kimi qəbul olunub.
Ardıcıl 3-cü dəfə Avropa çempionatının finalında oynayan slovaklar 3-cü qələbələrinə imza atıblar. Slovakiya AVRO-2016-da budəfəki kimi qrupun ilk matçında Polşa komandasını məğlub etsə də, sonradan ardıcıl 2 oyunda uduzub. Nəticə 3 xalla 3-cü olan slovaklar pley-offa yüksələ bilməyiblər.
Millimizin gələcək rəqibi AVRO-2020-də uğurlu çıxış edib. İlk görüşdə Uelsə 1:2 hesabı ilə uduzan Slovakiya yığması növbəti turda eyni nəticə ilə Rusiyadan güclü olub. Son turda güclü İngiltərə (0:0) ilə oyunda qazanılan 1 xal komandanı 1/8 finala yüksəldib. Amma bu mərhələdə slovaklar Almaniyaya 0:3 hesablı məğlubiyyət qaça bilməyiblər.
İlk turdakı qələbə Slovakiyanı növbəti mərhələyə xeyli yaxınlaşdırıb. Amma iyunun 21-də Ukrayna, 26-da isə Rumıniya ilə oyunlarda komandanın işi asan olmayacaq. AVRO-2016-dakı aqibəti yaşamamaq üçün Kalzonanın yetirmələri iki oyunda minimum 1 xal qazanmalıdırlar.
İdman.biz
