İdman.biz
"Bu oyunda qələbə qazandığımıza inana bilmirəm".
İdman.biz xəbər verir ki, bunu basketbolun 3x3 növü üzrə Azərbaycan yığmasının üzvü Mersedes Uolker deyib.
Təcrübəli basketbolçu Paris-2024 Olimpiadasında Çin yığması üzərində qazanılan 21:19 hesablı qələbəni şərh edib: "Basketbolda belə hala nadir rast gəlmək olar. Öz gücünə inanmalısan. Çin əla komandadır, amma 5 xal geridə olmağımıza baxmayaraq, biz oyunu öz xeyrimizə dəyişə bildik. Razılaşın ki, bu cür qarşılaşmanı hər gün görmək mümkün deyil. Yığmamızla fəxr edirəm və bizim şansımız davam edir".
Mersedes Uolker Olimpiadada çıxış edən komandaların güclü olduğunu və heç kimdən çəkinmədiklərini deyib: "Olimpiadada super komandalar çıxış edir. Çin və ABŞ kifayət qədər güclü rəqibdir. Amma biz heç kimdən çəkinmirik. Hələlik hadisələr tam istədiyimi kimi getmir. Əsas odur inanasan. Sabah bütün gücümü ortaya qoyub, Kanadaya qarşı uğurlu çıxış etmək istəyirik".
Qeyd edək ki, Çinə qalib gələn Azərbaycan yığması sabah qrup mərhələsininin son oyununda Kanada ilə qarşılaşacaq.
İdman.biz
