Idman.biz
Azərbaycanda keçiriləcək III MDB Oyunlarına cəlb ediləcək könüllülərin sayı bəlli olub.
İdman.biz xəbər verir ki, bunu Bakı Şəhər Halqası Əməliyyat Şirkətinin milli mətbuat katibi Arzu Hüseynova III MDB Oyunlarına həsr olunmuş mətbuat konfransında deyib.
O bildirib ki, Könüllü Proqramına start verilib. Proqram çərçivəsində Bakı və bölgələrdə 3000-ə yaxın könüllünün MDB Oyunlarına cəlb ediləcəyi gözlənilir. Vurğulanıb ki, regionlarda bu istiqamətdə gənclərlə maarifləndirici görüşlər keçirilir. Əsas məqsəd bölgələrdə gənclərin bacarıqlarının inkişafına, beynəlxalq təcrübə və biliklərinin artırılmasına dəstək olmaqdır.
Qeyd edək ki, MDB Oyunları sentyabrın 28-dən oktyabrın 8-dək keçiriləcək.
İdman.biz
