Idman.biz
"İdmançıların daşınması və qonaqlama xidmətləri zamanı müvafiq dövlət təhlükəsizlik orqanlarının əməkdaşları tərəfindən tədbirlər görüləcək".
İdman.biz xəbər verir ki, bunu MDB Oyunlarına həsr olunan ilk mətbuat konfransında Bakı Şəhər Halqası Əməliyyat Şirkətinin təhlükəsizlik və əməliyyatlar üzrə rəhbəri Aygül Ağayeva deyib.
O, Rusiya - Ukrayna müharibəsi ilə bağlı olaraq idmançılar arasında yaşana biləcək problemlərə toxunub: "İdman siyasətə qarışmır. Bizim də ölkəmiz beynəlxalq tədbirlərə ev sahibliyi etdikdə siyasi mövzuları nəzərə almadan tədbirlər planını hazırlayır. Amma idmançıların müdaxiləsi təhlükəsizlik tədbirləri çərçivəsində nəzərdə tutulub. İstər bir-biri ilə siyasi münaqişəsi olan, istərsə də digər dövlətlərdən olan idmançılar arasında hər hansı münaqişənin baş verməməsi üçün müvafiq tədbirlər görüləcək".
Qeyd edək ki, yarışlar 23 idman növü üzrə 12 idman obyektində keçiriləcək.
Aytac Sahəd
İdman.biz
