Lent.az
"Real Madrid"in baş məşqçisi Karlo Ançelotti komandanın fransalı ulduz hücumçusu Kilian Mbappenin adaptasiyasından danışıb.
Lent.az xəbər verir ki, baş məşqçi artıq Mbappenin kluba tam uyğunlaşdığını və öz töhfələrini verdiyini deyib:
"Kilian özünü əla hiss edir. Əvvəlcə uyğunlaşmalı idi, indi tam oturub və biz onun çıxışından həzz alırıq... Komandada irəliləyiş var. Mbappe, Rodriqo, Bellinqhem və Vinisius kimi oyunçuların fərdiliyi bizə çox kömək edir. Bu, nikbinliyi ruhlandırır".
Xatırladaq ki, Mbappe bir müddət əvvəl "Real Madrid" oyununa tam uyğunlaşdığını deyib. Bu mövsüm 26 yaşlı fransalı bütün turnirlərdə 31 oyunda iştirak edib. Bu müddət ərzində futbolçu 21 qol vurub və üç məhsuldar ötürmə edib.
