Lent.az
"Mançester Yunayted" "Sauthempton"un 19 yaşlı hücumçusu Tayler Diblinqlə maraqlanır.
Lent.az xarici mediaya istinadla bildirir ki, mankunianlıların Avropa Liqasında mümkün qələbəsi və daha sonra Çempionlar Liqasına qayıtması fonunda oyunçunu transfer etməyə maraq artıb.
Diblinqin transferinin İngiltərə klubuna 100 milyon funta başa gələcəyi gözlənilir. Bu, "Sauthempton"un futbolçu üçün tələb etdiyi məbləğdir. "Mançester Yunayted" Avropa Liqasını qazansa, ən azı 80 milyon funt-sterlinq qazanacaq, bu da futbolçunun alınmasına yatırılacaq.
Bu mövsüm Diblinq bütün turnirlərdə 33 oyun keçirib, dörd qol vurub və üç məhsuldar ötürmə edib.
