Qol.az
"Mançester Siti"nin yarımmüdafiəçisi Kevin De Bruyne klubun onunla mövsümün sonunda başa çatacaq müqaviləni uzatmayacağına münasibət bildirib.
"The Sun" nəşrinə danışan belçikalı futbolçu deyib:
"Bu, bir az şok oldu. Bütün il ərzində onlardan heç bir təklif almadım və klub qərarını verdi. Təbii ki, bir qədər təəccübləndim, amma bununla barışmalı oldum. Dürüst desəm, hələ də yaxşı səviyyədə çıxış edə biləcəyimi düşünürəm, amma anlayıram ki, klublar qərarlar qəbul etməlidir".
Xatırladaq ki, aprelin 4-də 33 yaşlı yarımmüdafiəçi mövsümün sonunda müqaviləsinin başa çatması səbəbindən "Mançester Siti"dən ayrılacağını açıqlayıb. Aprelin 6-da isə "şəhərlilər"in baş məşqçisi Xosep Qvardiola De Bruynenin ayrılması qərarının oyunçuya deyil, kluba məxsus olduğunu bildirib.
