Idman.biz
"Qayıtdığım üçün çox şadam. Burada olmaq üçün çox uzun yol qət etmişəm".
İdman.biz xəbər verir ki, bunu Misirin paytaxtı Qahirədə Premyer Liqanın startı ərəfəsində Azərbaycan millisinin karateçisi İrina Zaretska (68 kq) Dünya Karate Federasiyasının kanalına deyib.
Analıq məzuniyyətindən sonra tatamiyə qayıdan üçqat dünya çempionu öz bacarığını bir daha nümayiş etdirmək üçün güc və enerji ilə doludur: "Forma yığmaq, hələ də bu idman növündə olduğumu və tərk etmədiyimi göstərmək üçün uzun müddət məşq etdim. "Karate həyatımdadır" prinsipi ilə yaşayıram. Həyat dəyişir, mən indi gözəl bir körpənin anasıyam, amma karate hələ də mənim bir parçamdır. Mən şadam ki, yenidən yarış həyəcanını hiss edirəm".
İdman.biz
