Sport24.az
10 m məsafədən atəş açmaq üzrə gənclərin Avropa çempionatına start verilib. Sport24.az xəbər verir ki, Xorvatiyanın Osiyek şəhərində keçirilən yarışda Azərbaycan güllə atıcıları da mübarizəyə başlayıb.
Qızların tapança ilə atəşaçma yarışında təsnifat mərhələsi başa çatıb. Fərdi mübarizədə təmsilçilərimiz final mərhələsinə yüksələ bilməyiblər. Leyli Əliyeva 563 xalla 18-ci, Sofiya Barkalova 556 xalla 32-ci, Əminə Ömərova 547 xalla 48-ci, Mehriban Qambayeva 545 xalla 50-ci, Xalidə Əliyeva 527 xalla 62-ci yeri tutub.
Leyli, Sofiya və Əminədən ibarət yığmamız komanda yarışında 1666 xal toplayıb. Millimiz 10-cu olub.
Qeyd edək ki, hazırda oğlanların tapançadan atəşaçma yarışı davam edir.
