Qol.az
"Barselona"nın baş məşqçisi Hans-Diter Flik oyun təqvimindən gileylənib.
QOL.az xəbər verir ki, o, La Liqanın 32-ci turunda keçiriləcək "Selta"ya qarşı matçdan öncə təşkil olunan mətbuat konfransında deyib:
"Siz bilirsiniz son həftələrdə neçə oyun keçirmişik? Bilirsiniz ki, biz "Real Valyadolid"ə qarşı da gec saatda oynayırıq? Biz çox gec çatırıq, ola bilər ki, futbolçular gecə saat dörd ya beşdə yatağa girirlər. Mən bəhanə gətirmək istəmirəm. Amma bu, burada baş verir və mən heç vaxt belə bir şeylə rastlaşmamışam. Hər liqa öz klublarını Çempionlar Liqasında, xüsusilə də yarımfinal mərhələsində qoruyur. Bu, inanılmaz bir şeydir.
Bizim istirahət etməyə vaxtımız yoxdur. Mən bu qərarları verən insanların üzlərinə baxmaq istəyirəm. Çünki onların bu işin necə olduğundan heç xəbərləri yoxdur. Heç bir anlayışları yoxdur.
Hər federasiya – Bundesliqa, Premyer Liqa və s. – öz klublarına qayğı göstərir, amma bizdə bu cür deyil. Sadəcə belə yanaşırlar: "Qoy oynasınlar, saat beşdə-altıda qayıtsınlar". Biz cəmi dörd saat yatmağa fürsət tapmışıq. Bu, inanılmazdır. Bu, ümumi İspaniya futboluna ziyan verir".
Qeyd edək ki, "Barselona" - "Selta" matçı sabah, Bakı vaxtı ilə saat 18:15-də başlayacaq.
