Idman.biz
Gənclər və idman naziri Fərid Qayıbov Slovakiya Respublikasının idman məsələləri üzrə dövlət katibi İvana Şuflyarska Libyakova ilə görüşüb.
İdman.biz xəbər verir ki, görüşdə Azərbaycan və Slovakiya arasında idman sahəsində əməkdaşlıq əlaqələrinin mövcud vəziyyəti, gələcək inkişaf perspektivləri müzakirə olunub.
Birgə layihələrin icrası və gələcək əməkdaşlığın genişləndirilməsi istiqəmətində fikir mübadiləsi aparılıb.
Görüşdə Gənclər və İdman Nazirliyinin İdman şöbəsinin müdiri Elnur Məmmədov, Beynəlxalq əlaqələr şöbəsinin müdiri Zərifə Zülfüqarova, Slovakiya dövlət katibi ofisinin direktoru Nataliya Dorotoviç, Təhsil, innovasiya və idmanda sərhəd əlaqələri departamentinin direktoru Monika Siskova, Slovakiyanın Azərbaycandakı Səfirliyinin birinci katibi Patrisiya Dudova, Dünya Minifutbol Federasiyasının vitse-prezidenti, Avropa Minifutbol Federasiyasının və Slovakiya Minifutbol Assosiasiyasının prezidenti Peter Kralik iştirak ediblər.
İdman.biz
