Lent.az
Yüksək diviziona qayıdan "Brayn" ilk dəfə oyunun ən yaxşı oyunçusu üçün mükafat seçimləri ilə təəccübləndirib.
Lent.az xəbər verir ki, "Brayn" Norveç çempionatının 3-cü turunda "Haugesund"u 3:1 hesabı ilə məğlub edib. Bu, komandanın yüksəlişdən sonra ilk qələbəsidir.
Müdafiəçi Aksel Krüqer 4-cü dəqiqədə penaltini dəqiq yerinə yetirərək "Brayn"ın ən yaxşı oyunçusu seçilib.
Krüqer mükafat olaraq Pasxa quzusu alıb. Heyvan müvəqqəti olaraq fermaya aparılacaq və orada bir neçə ay saxlanılacaq. Krüqer onu payızda götürə biləcək.
"Brayn" Erlinq Haalandın doğma klubudur. Norveçli forvard 2005-2017-ci illərdə cənub-qərb şəhərinin komandasında olub, sonra daha iddialı "Moldey"ə keçib.
