Qol.az
"Nürnberq"in hücumçusu Mahir Emreli dünən "Paderborn"a qarşı keçirdikləri matçla bağlı fikirlərini bildirib. 2-ci bundesliqanın 30-cu turunun ev matçında "Nürnberq" 2:3 hesabı ilə uduzub. Komandasının hər iki qolunu M.Emreli vurub.
QOL.az xəbər verir ki, Azərbaycan millisinin hücumçusu dubl etdiyi görüşdən sonra İnstaqramda paylaşım edib. O yazıb:
"İstədiyimiz nəticə olmasa da, hər bir məğlubiyyət bir dərsdir. Mübarizəmizlə fəxr edirik, komandamızla fəxr edirik. Daha güclü qayıdacağıq. Dəstəyiniz üçün təşəkkürlər".
Qeyd edək ki, Emreli 2-ci bundesliqada 20 oyuna 6 qol vurub, 1 qolun ötürməsini edib. O, 1 dəfə isə kubok matçında fərqlənib.
