Idman.biz
"Coşqun Sadiqov yaxşı məşqçidir. Köməkçi işləyərək, öz üzərində çalışaraq daha da inkişaf edə bilər".
Bunu İdman.biz-ə karate üzrə Azərbaycanın U-21 millisinin baş məşqçisi Elnur İbrahimov deyib.
O, özünə yeni köməkçi təyinatını şərh edib. İbrahimov bildirib ki, Coşqun Sadiqovla işbirliyi uğurlu alınacaq: "Ona uğurlar arzu edirəm. Milli komandada hazırda vəziyyət yaxşıdır. Gənc idmançılarımız var, onlara ümidlər böyükdür və tezliklə bu ümidləri gercəkləşdirəcəklər. Bir necə gün öncə Mərakeşin Rabat şəhərində böyüklər arasında Premyer Liqa yarışı keçirildi. Orada idmançılarımızın hər birinin medal uğrunda döyüşləri oldu. Çox təəssüf ki, yalnız Nuran Rzazadə bürünc medal qazandı. Qarşıda idmançılarımızı daha bir yarış gözləyir. Xorvatiyanın Poreç şəhərində "Premyer 1" Gənclər Liqası baş tutacaq və bizim karateçilərdə orada çıxış edəcək".
Mehri Qurban
İdman.biz
