Lent.az
Fransa millisinin baş məşqçisi Didye Deşam "Real"ın hücumçusu Kilian Mbappeni "üçrənglilər"in martda keçiriləcək oyunları üçün çağırdığını açıqlayıb.
Lent.az xarici mediaya istinadla bildirir ki, martın 20 və 23-də Fransa millisi Millətlər Liqasının 1/4 final oyunlarında Xorvatiya ilə qarşılaşacaq.
"Bəli, o (Mbappe) komandanın bir hissəsi olacaq",- Deşam X sosial şəbəkəsində (keçmiş Twitter) deyib.
26 yaşlı hücumçu oktyabr və noyabr aylarında Millətlər Liqasının oyunları üçün Fransa yığmasına çağırılmayıb. Mətbuatda Mbappenin "Real"a adaptasiya prosesini daha tez keçə bilməsi üçün Deşamdan onu milliyə çağırmamasını istədiyi barədə xəbərlər yayılmışdı.
"Üçrənglilər"in tərkibində bütün turnirlərdə 86 oyunda iştirak edən hücumçu 48 qol vurub, 35 məhsuldar ötürmə edib.
