Qol.az
"Çelsi"nin baş məşqçisi Enzo Mareska Konfrans Liqasının 1/4 final mərhələsinin cavab oyunları çərçivəsində "Legia"ya uduzmaqları (1:2, ilk oyun - 3:0) haqda danışıb.
QOL.az xəbər verir ki, mütəxəssis mərhələ adlamaqlarına baxmayaraq, nəticənin onu qane etmədiyini bildirib:
"Məğlubiyyətə görə narazıyıq. Güman edirəm ki, ilk matçın nəticəsini qorumağa çalışdıq. Oyunçuları bir az rotasiya etdik, zədələrdən yayınmaq istədik. Çünki bazar günü Premyer Liqada bizi vacib oyun gözləyir".
Nəticə bizi qane etməsə də, artıq yarımfinaldayıq. Əsas odur ki, zədəli futbolçumuz yoxdur. Məqsədimiz irəli getməkdir. Futbolçular yaxşı fiziki formada olmalıdırlar. Ümid edirəm ki, Nikolas və Koul çox tezliklə qol vurmağa başlayacaqlar. Çünki onlar bizim üçün çox vacibdirlər".
Qeyd edək ki, "Çelsi" 1/2 finalda "Yurqorden"lə üz-üzə gələcək. Yarımfinal mərhələsinin ilk oyunları mayın 1-də, cavab görüşləri isə mayın 8-də keçiriləcək.
