Report.az
Həvəskar xizəkçilər arasında Türk Dövlətləri Kubokunun növbəti il Azərbaycanda keçirilməsini istəyirik.
Bunu "Report"a açıqlamasında Türk Dövlətlərinin Xizək Kurortları İttifaqının baş katibi Orxan Bədəlov deyib.
O, "Şahdağ" Turizm Mərkəzində daha əvvəl bir sıra yarışların təşkil olunduğunu da xatırladıb:
"Bu il ölkəmizdə xizək alpnizmi üzrə Dünya Kuboku gerçəkləşdi. Daha əvvəl Heydər Əliyev Kuboku təşkil etmişdik. Martda Avrasiya İttifaqı Dağ Kurortlarının tədbiri də məhz "Şahdağ"da baş tutacaq. Növbəti kubokla bağlı təklifimizi irəli sürəcəyik. Hansı ölkə daha çox maraqlı olsa, buna əsasən də qərar veriləcək. Bizim potensialımız və yarışlar üçün təcrübəmiz var. Amma qərar ortaq verilməlidir".
O, ötən ilin sentyabrında Türk Dövlətləri Təşkilatının dəstəyi ilə Türk Dövlətlərinin Xizək Kurortları İttifaqının yaradıldığını xatırladıb:
"Hazırda dörd üzv var. Azərbaycanda "Şahdağ" Turizm Mərkəzi, Türkiyədə "Ulu Dağ", Özbəkistanda "Amirsoy", Qazaxıstanda "Şımbulak"dır. Sonuncu iclasımızda Türk Dövlətləri Kubokunun hər il kurortların birində təşkil edilməsi barədə qərar çıxarıldı. İlk yarış "Amirsoy" kurortunda gerçəkləşdi. Növbəti turnir üçün iclasda qərar veriləcək. Hazırda bununla bağlı dəqiq qərar yoxdur. Digər kurortlar da yarışa ev sahibliyi etmək niyyətindədir. Yaxın günlərdə bununla bağlı məlumat veriləcək".
Qeyd edək ki, Azərbaycanın həvəskar xizəkçiləri Özbəkistanın "Əmirsoy" Dağ Kurortunda baş tutan yarışda iki medal qazanıblar.
Sportnews.az — idman dünyasında baş verən əsas hadisələrə həsr olunmuş aparıcı idman portalıdır. Biz hər gün ən son xəbərləri, oyun nəticələrini, müsahibələri, analizləri və proqnozları təqdim edirik.
Saytımızda siz tapa bilərsiniz:
Futbol: yerli və beynəlxalq liqalar, xüsusi diqqət — "Qarabağ" FK
Tennis, şahmat, gimnastika, voleybol, basketbol
Döyüş növləri: boks, güləş, cüdo
Formula 1 və Olimpiya Oyunları
Eləcə də diqqətəlayiq digər idman növləri
Biz azərbaycanlı idmançıların uğurlarını izləyirik, mühüm turnirləri işıqlandırırıq, yığmaların hazırlığı və fərdi nailiyyətlər barədə məlumat veririk. Bütün materiallar faktlara, ekspert şərhlərinə və keyfiyyətli təqdimata əsaslanır.
Niyə məhz Sportnews.az:
Yalnız aktual və etibarlı xəbərlər
Azərbaycan və dünya idmanının tam əhatəsi
Rahat struktur, müntəzəm yenilənmələr, obyektiv baxış
Əsas idman xəbərlərindən xəbərdar olmaq üçün bizimlə qalın.
Sportnews.az — burada idman ucadan danışır.
