Lent.az
"Barselona"nın baş məşqçisi Flik Neymarın kluba qayıtmasına qarşı çıxıb.
Lent.az bildirir ki, "Sport.es" Ser Catalunya radiostansiyasına istinadən xəbər verir ki, İspaniyanın "Barselona" klubunun baş məşqçisi Hans-Diter Flik braziliyalı futbolçu Neymarın kluba qayıtmasının əleyhinədir.
Ser Catalunya daha əvvəl Neymarın yay transfer pəncərəsində İspaniyanın "Barselona" klubuna qayıtmaq arzusunda olduğunu bildirmişdi.
Mənbədən əldə edilən məlumata görə, alman məşqçi 33 yaşlı Neymarın yaşına və fiziki durumuna görə "Barselona"nın səviyyəsinə uyğun olmasından şübhələnir.
Neymar 2013-2017-ci illərdə İspaniyanın "Barselona" klubunda oynayıb, 222 milyon avroya dünya futbol rekordu üçün Fransanın PSJ klubuna keçmişdi.
Braziliyalı 2023-cü ilin avqustundan Səudiyyə Ərəbistanının "Əl-Hilal" klubunda çıcış edib. Ardıcıl zədələr səbəbindən hücumçu bir qol vurduğu "Əl-Hilal"ın heyətində 7 oyun keçirməyi bacarıb. Neymar Braziliyanın "Santos"klubunun yetirməsidir və 2009-2013-cü illərdə komandada çıxış edib. Braziliya klubu hücumçunun qayıtdığını yanvarın 30-da elan edib.
